TVB綜藝【中年好聲音2】主持車婉婉喺月尾生日，日前節目錄像期間兩季節目參加者為婉婉慶祝生日，令婉婉激動爆喊。
向來呢類淘汰賽制歌唱節目，保密工夫都會做足，不過車婉婉個人IG以及TVB【東張＋】平台，就分別post咗慶生當日片段同相，唔覺意泄露提早出局選手。進入淘汰賽制，由100名參加者篩嚇篩嚇剩返18人，包括大熱人馬「肥媽愛將」古淖文，前歌手鄭梓浩、陳蒨葶、梁浩賢、黃劍文、劉威煌，表現突出慨劉可、顏米羔，曾經參加【亞洲星光大道3】慨陳燕娜，仲有陳俞霏、譚輝智、林若盈、王玥、安雅希、朱博文、周碧嘉、袁思樂及沈宗賢。
有跟開【中年好聲音2】慨網民就發現，同車婉婉慶祝生日嗰張大合影入面，見唔到陳俞霏、周碧嘉及袁思樂，懷疑渠地已經被淘汰。疑似被淘汰慨陳俞霏來自廣州，自稱「音樂搬運工」但比賽表現不俗，首兩回合都獲5位評審一致畀燈晉級。
