現年30歲嘅雷莊，喺2017年港姐選美中爆冷摘冠，仲攞埋最上鏡小姐殊榮。
當年外界爭議都唔少，甚至封佢做「最醜港姐冠軍」。
卸任後，雷莊刻意離開香港、離開TVB，返去加拿大發展。
但今年雷莊捲土重來，再次參加香港選美，成功打入「環球小姐2024」香港區16強。
➤ 環球小姐2024，港區16強之一
「環球小姐」選美大賽自1952年於美國紐約創立。
而今屆香港區2024選美比賽已經於8月3日進行首輪面試，吸引過百位佳麗參加。
經過「環球小姐」前香港代表向海嵐，以及選美統籌官劉芷希嘅評審，選出咗16位最優秀佳麗。
而16強名單近日公佈，雷莊亦榜上有名。
值得注意嘅係，官方發佈嘅相片入面，雷莊個樣，明顯精緻咗。
連招牌齙牙都消失，上圍更加升咗Cup，狀態真係比參選港姐嗰陣時更好。
➤ 無懼負評，我行我素，反嘲觀眾
當年雷莊被指靠著後台強勁，力壓亚军何依婷而奪得2017年港姐冠軍。
本身並非熱門人選嘅雷莊，憑著高挑身材同修長美腿，特別係比賽當晚泳衣環節表現突出，成为奪冠黑马。
雖然成為港姐冠軍，不過就被狠批係「最醜港姐冠軍」。
面對鋪天蓋地嘅負評，雷莊毫不在意，甚至喺直播中用英文回應：
「有啲人冇受過教育（not that educated），所以唔夠聰明（not smart enough）去理解每一件事，反而相信媒體嘅報道。」
其實又唔一定係因為相信傳媒嘅，正所謂群眾嘅「雪亮的」，正常人都有基本嘅審美水平。
➤ 非常自信，選美常客，勇闖美加
雷莊曾喺社交平台以英文咁样介紹自己：
「I don't care about people not liking me（我唔在乎人哋鍾唔鍾意我）」。
雖然被封「最醜港姐冠軍」，但佢2022年就代表香港出戰加拿大「Miss Face of Humanity 2022（靚樣小姐？）」，並獲得第四名。
另外佢又參與拍攝外國廣告及線上影視平台劇集，作品包括Amazon影集【Three Pines】及Netflix影集【The Recruit】等。
充滿自信嘅雷莊，更不時喺社交平台大曬火辣身材。
甚至曾經一絲不掛咁坐喺地上，狂騷曼妙身段。（為咗大家著想，唔會有嗰張相）
➤ 環球小姐港區冠軍，可獲100萬現金
今屆「環球小姐」香港區選美16強佳麗各具特色。
官方形容佢哋氣質獨特、魅力四射，不單外表出眾，更擁有知性美。
不同於TVB香港小姐比賽，攞完獎座及后冠、再靠後期運氣、浮浮沉沉唔同。
「環球小姐」香港區冠軍，可即場獲得100萬港幣現金，亞軍同季軍分別有20萬同10萬獎金。
奪得香港區冠軍後，佳麗將代表香港參加11月於墨西哥舉行嘅全球總決賽。
而本屆「環球小姐」香港區總決賽暫定於9月26日舉行，指定合作媒體Viu TV會進行現場直播。
➤ 環球小姐港區16強佳麗名單
樂翊榆Annalise（30歲） 電視主持、銀行家、企業家、模特兒及玄學家 ⇩
劉致君Jacqueline（27歲） 歌手 ⇩
蔡頌思Jocelyn（30歲） 演員、企業家、職業美人魚表演 ⇩
徐蒨寧Marie（36歲） ⇩
彭美詩Mecedes（31歲）模特兒、翻譯員 ⇩
姚祖恩Joanne（24歲） 藝術顧問、模特兒 ⇩
雷莊Juliette（30歲） 演員、廣告模特兒 ⇩
魏嘉華Kianna（31歲） 古箏演奏家 ⇩
羅堃尉Karen（32歲） 演員及模特兒 ⇩
劉葉Vera（29歲） 銀行從業員、模特兒 ⇩
許詠詩Joyce（26歲） 企業家 ⇩
曹靖宜Shannon（25歲） 私募基金副理 ⇩
陳澄倩Jasmine 瑜伽老師、滑雪教練 ⇩
許美玉Serena（25歲） 大學畢業生 ⇩
周煒蕎Yan Kiu（29歲） 模特兒 ⇩
林司檸Caroline（26歲） 金融從業員 ⇩
從港姐、華姐、加拿大靚樣小姐，再到今次「環球小姐」，目前已經係雷莊第四次參加選美。
選美經驗豐富，大執過後愈嚟愈靚嘅雷莊，未知今次有冇機會再次稱冠呢？
「講女系列」2017年港姐亞軍何依婷： 純慾港姐，白滑可愛，極速上位，可惜⋯⋯
◂ END ▸
