【無限超越班】最新一期
繼續drama
久違現身嘅趙奕歡
幹練強勢加盟
前幾期騷操作好多嘅李菲兒
依然穩定發揮
同趙奕歡分到一組後產生分歧
李菲兒即時嚟咗句
「你剛來你不懂」
趙奕歡性格直爽
即時霸氣回懟
「行，你都知道」
被睇唔慣李菲兒嘅網友怒贊
喺最新一期節目中
節目組仲「心機」設定咗
「演員評級」環節
而趙奕歡則遭制作人
踢出「演員」行列
評為 最底層嘅「其他」類別 喔
此舉一出眾人嘩然
大家都覺得接受唔到咯
連演技備受差評
鐘愛齜牙嘅「大海哥」紀淩塵
都可以排上第三梯隊
而曾經擁有代表作嘅趙奕歡
卻連演員門檻都摸唔到
一向硬剛嘅趙奕歡都忍唔住眼濕濕
/////
講起趙奕歡
大家對佢嘅第一印象
應該都係【青春期】
當時24歲嘅佢
喺電影中身材火辣
最經典嘅「仰臥起坐」鏡頭
讓唔少宅男春心蕩漾
樣靚聲甜身材正
瞬間成為「宅男女神」
簽約公司想趁熱度乘勝追擊
不斷要求佢
重復拍類似嘅性感網劇
佢因此被 貼上「性感」標簽
同類同質嘅劇集拍得多
令唔少網友對佢產生疲倦感
而佢嘅演技亦得唔到提升
逐漸從「宅男女神」
變「爛片女王」
經歷迷茫嘅佢
最終選擇同經紀公司解約
面臨大額賠償&冇靠山
佢得到嘅資源越來越少
漸漸淡出大眾視線
這次沈澱歸來嘅趙奕歡
以一身短發look出現
肌肉線條緊致有力
蛻變成自信、健康的颯女
趙奕歡經常喺平台
share自己嘅健身日常
甚至自學自由潛水
花兩年時間取得飛行員執照
變身「運動女郎」
參加體能綜藝【勢不可擋】 時
佢對上力量級第一嘅「周淑怡」
依然毫不膽怯搏命捉住沙包
令賽前唔睇好佢嘅嘉賓們
都感嘆 「這個姐好拼」
之後佢更係喺水中
連做206個倒立仰臥起坐
超過唔少參賽嘅肌肉猛男
再次歸來嘅佢
憑借一股韌勁
成功拋低「性感」標簽
變「酷颯」女孩
令大家不期然就諗到
咁咪成個周秀娜咁？
今次可以上熱門綜藝
雖然演技備受導師們質疑
但有條理嘅發言
同爽朗性感形象
依然收獲唔少好感
希望佢今次抓住機會
好好展現 自己啲實力
喺圈中打個翻身仗啦~
資料來源：微博、劇照 等
網絡綜合資訊整理
編輯：饒禧
稽核：曾敏妍
簽發：駱蘋
【微店】羊晚文創線上商店
【郵政】中國郵政微郵局
【淘寶】羊晚生活館
都可以訂閱【可樂生活】
▼▼▼
>>>
一次過get可樂報詳細內容
羊城晚報報業集團旗下的粵語生活類報紙，廣東省唯一一份粵語刊物。 廣州至潮至IN的吃喝玩樂，灣區潮流資訊風向，統統喺曬度！
微信公眾號、微博、 微信影片號、喜馬拉雅 @可樂生活Color
嘩哩嘩哩、小紅書 @Color班馬
抖音@可樂生活
官方商務合作QQ：1902182069 （請註明來意）
官方微訊號：靚仔可樂君（handsomecolor） （請註明來意）
